Того же издательства:
Yin day, when Christopher Robin and Winnie-the-Pooh and Wee Grumphie were aw haein a crack thegither, Christopher Robin said lichtsomely: ‘I saw a Huffalamp the-day, Wee Grumphie.’
‘Whit wis it daein?’ spiered Wee Grumphie.
‘Jist lampin alang,’ said Christopher Robin. ‘I dinna think it saw me.’
‘I saw yin yince,’ said Wee Grumphie. ‘At least, I think it wis a Huffalamp. But mibbe it wisna.’
‘Sae did I,’ said Pooh, wunnerin whit like a Huffalamp wis.